Лигаи 1

Ҳамлагари “ПСЖ” Неймар дар бозии даври 1/32 ниҳоии Ҷоми Фаронса зидди “Кан” (1:0) ҷароҳат бардошт.

Футболбоз аз сабаби ҷароҳат дар дақиқаи 60-ум майдонро тарк кард ва ба ҷойи ӯ Килиан Мбаппе баромад. Ҳамлагар дарҳол ба утоқи либосивазкунӣ аст.

Ин аввалин бозии Неймар ба ҳайси капитани даста буд.

Хотиррасон мекунем, ки даста 16-уми феврал дар Лигаи чемпионҳо бо “Барселона” рақобат мекунад ва акнун иштироки Неймар дар он зери суол аст.

Бояд қайд кунем, ки дар ин рақобат ҳамчунин Анхел Ди Мария бозӣ намекунад. Инро сармураббии даста Маурисио Почеттино тасдиқ кард.

Ҳамлагари “ПСЖ” Неймар бинобар сабаби бемор шудан дар тамринҳои охирони дастааш иштирок накард. Дар ин бора дар сомонаи расмии дастаи парижӣ хабар дода мешавад.

Ҳамлагари 29-сола аз сабаби дард кардани меъдааш ба тамрин наомад. Имрӯз футболбоз аз ташхиси тиббӣ мегузарад.

Хотиррасон мекунем, ки 5-уми феврал Неймар зодрӯз дошт ва 29 сола шуд.

Дар ин мавсим Неймар дар 16 бозӣ иштирок карда, 13 гол задааст ва 5 партофти головар додааст.

Хотиррасон мекунем, ки 7-уми феврал “ПСЖ” дар чемпионати Фаронса зидди “Марсел” бозӣ мекунад.

Аз сабаби хурӯҷи коронавирус дар дастаи ҷавонон “ПСЖ” тамрингоҳи худро маҳкам кард. Дар ин бора дар сомонаи расмии дастаи парижӣ хабра дода мешавад.

Дар дастаҳои ҷавонони U17 ва U19 дар умум 9 ҳолати сироятёбӣ ба СОVID-19 ба қайд гирифта шуд. Бинобар ин, роҳбарияти даста ба хулосае омад, ки то 11-уми феврал тамрингоҳи худро маҳкам кунад.

Ҳафтаи оянда кормандон ва футболбозони “ПСЖ” бори дигар аз санҷиши коронавирус мегузаранд ва баъд аз ин доир ба кушодани тамрингоҳ қарор бароварда мешавад.

Дастаи парижӣ дар ин мавсим дар 23 бозӣ 48 имтиёз ба даст оварда, дар ҷадвали Лигаи 1 дар ҷойи сеюм қарор дорад. Роҳбарияти “ПСЖ” аз ин натиҷа розӣ нест.

Сармураббии «ПСЖ» Мауритсио Почеттино 2 дастаеро номбар кард, ки ҳеҷ гоҳ онҳоро роҳбарӣ нахоҳад кард.

“Ман ҳеҷ гоҳ сармураббии “Барселона” шуда наметавонам. Ин ғайриимкон аст.

Ман оиди зиндагӣ тасаввуртҳои дигар дорам, дар дигар дастаи каталонӣ кор кардаам, бинобар ин фаъолият кардан дар ин даста бароям вариант нест.

Ҳамчунин сармураббии “Марсел” шудан ҳам номумкин аст”, – гуфт мутахассиси аргентинӣ.

Хотиррасон мекунем, ки Почеттино собиқ ҳимоятгари дастаҳои “Эспанйол” ва “ПСЖ” мебошад.