Футбол

 “Манчестер Сити ” барои харидории ҳамлагари “Барселона” Лионел Месси пешниҳоди нав омода кард. Дар ин бора нашрияи The Sun хабар медиҳад.

Соли 2020 “шаҳриҳо” ба Месси барои 5 сол 693 миллион евро пешниҳод карданд, аммо акнун бошад, бо сабаби бӯҳрони иқтисодӣ пешниҳод ба 496 миллион евро баробар шуд. Сабабаш бӯҳрони иқсидоии пас аз коронавирус будааст.

Тибқи ин шартнома ҳамлагари аргентинӣ бояд 2 соли оянда дар “Манчестер Сити” ҳунарнамоӣ кунад ва баъдан ба дастаи “Ню-Йорк Сити” равад, ки он ҳам аз они президенти “шаҳриҳо” аст.

Пас аз ин Месси бояд намояндаи City Football Group мешуд, ки ба ин ширкат 10 даста аз минтақаҳои гуногуни дунё дахл доранд.

Тибъқи маълумоти нашрия, “шаҳриҳо” холо ҳам мехоҳанд Мессиро бихаранд, аммо пешниҳоди аввалаашонро иваз карданд.

Шартномаи феълии Месси бо “Сити” то 30-юми июни соли 2021 ба анҷом меравад. Муддаиёни асосӣ барои ба даст овардани ҳамлагари 33-сола дастаҳои “ПСЖ” ва “Манчестер Сити” ба ҳисоб мераванд.

“ПСЖ” нисбати дарвозабони “Милан” Ҷанлуиҷи Доннарумма ҳавасмандӣ дорад, хабар медиҳад La Gazzetta dello Sport.

Директори варзишии дастаи парижӣ Леонардо дарвозабони италиявиро хело хуб мешиносад ва дер боз ӯро ба “ПСЖ” даъват карда истодааст.

Қаблан маълум шуд, ки “Милан” шартҳои дарвозабонро нисбати маош қабул накарда истодааст ва мехоҳад ба ӯ 7,5 миллион евро музди меҳнат диҳад. Ин дар ҳолест, ки худи Ҷанлуиҷи 10 миллион евро талаб карда истодааст.

Шартномаи ҳозираи дарвозабони 21-сола то анҷоми ин мавсим амал мекунад.

Ин мавсим Доннарумма дар чемпионати Италия 20 бозӣ кардааст, ки аз он дар 7-тояш гол сар надодааст.

Федератсияи байналмиллалии таърих ва омори футбол рӯйхати беҳтарин бомбардиронро дар таърихи футбол дар сатҳи даставӣ (бе дарназардошти голҳо дар мунтахаб) тартиб дод. Ба он футболбозоне дохил шудаанд, ки дар ҳисоби худ дар сатҳи даставӣ бештар аз 500 гол доранд.

Дар ҷойи якуми ин рейтинг ҳамлагари бразилӣ Ромарио (689 гол) қарор дорад. Баъди ӯ бо 684 гол Пеле ҷой гирифтааст. Сегонаи беҳтаринро Роналду ба анҷом мерасонад – дар ҳисоби ӯ 661 гол дар сатҳи даставӣ.  Рақиби асосии ӯ – Лионел Месси бо 561 гол дар ҷойи 5-ум қарор дорад.

Беҳтарин бомбардирон дар сатҳи даставӣ бо фарзияи IFFHS:

1. Ромарио (Бразилия) — 689 гол

2. Пеле (Бразилия) — 684

3. Криштиану Роналду (Португалия) — 661

4. Йозеф Битсан (Австрия) — 656

5. Лионел Месси (Аргентина) — 651

6. Ференс Пушкаш (Венгрия) — 645

7. Ҷимми Ҷонс (Ирландияи Шимолӣ) — 635

8. Ҷо Бэмбрик (Ирландияи Шимолӣ) — 593

9. Эйсебио (Португалия) — 581

10. Герд Мюллер (Олмон) — 566

Федератсияи байналмиллалии таърих ва омори футбол (IFFHS) ҳамлагари “Барселона” Лионел Мессиро беҳтарин футболбози даҳсолаи охир эътироф кард. Ғолибро тариқи овоздиҳӣ муайян карданд, ки дар он намояндаҳои 150 кишвари дунё ширкат варзиданд.

Ҷойи дуюмро ҳамлагари “Ювентус” Криштиану Роналду соҳиб шуд. Собиқ нимҳимоятгари “Барселона” Андрес Иниеста сазовори ҷойи сеюм гардид.

Ҳамчунин ба топ-10 футболбозони зерин шомил шуданд:

4. Неймар (“ПСЖ”)

5.Серхио Рамос (“Реал”)

6. Мануэл Нойер (“Бавария”)

7. Роберт Левандовски (“Бавария”)

8. Ҷанлуиҷи Буффон (“Ювентус”)

9. Златан Ибрагимович (“Милан”)

10. Лука Модрич (“Реал”).

Ҳамлагари угурваӣ Сантяго “Морро” Гарсия 6-уми феврал дар хонааш ба худкушӣ даст зад. Футболбоз 30 сола буд.

Тибқи маълумоти нашрияи TyC Sports, Сантяго чанд рӯз мешавад, ки ба алоқа набаромада буд ва имрӯз дар хонааш мурда ёфт шуд. Полис муайян кард, ки футболбоз ба худкушӣ даст задааст.

Хабар дода мешавад, ки вақтҳои охир Гарсия назди психиатр мерафт ва табобат мегирифт. Ин дар ҳолест, ки футболбоз хело хуб ҳунарнамоӣ мекард ва як қатор топ-дастаҳои Америкаи Ҷанубӣ ба ӯ ҳавасмандӣ доштанд.

Сантяго дар “Насйонал”, “Атлетико Паранаэнсе”, “Қасимпаша” ва “Ривер Плейт”-и Монтевидео ҳунарнамоӣ кардааст. Дар мавсими -2010/2011 (23 гол) беҳтарин бомбардири Уругвай ва дар мавсими -2017/2018 (17 гол) беҳтарин бомбардири Аргентина дониста шуда буд.

Собиқ мураббии фитнеси “Реал” Ҷованни Маури, ки ҳамчунин дар давраи роҳбарии Крло Анчелотти дар “ПСЖ” кор кардааст, оиди ҳамлагарон Криштиану Роналду ва Златан Ибрагимович фикри худро баён кард.

“Истироҳат – ин натанҳо хоб аст. Он аз машқҳои муайян, ки барои беҳтар кардани кори мушакҳо ва устухонҳо кӯмак мекунанд, иборат мебошад. Ман бо бисёре аз футболбози 40 сола кор кардаам, аз Малдини то Костакурта.

Вақте дар “ПСЖ” фаъолият мекардам, боварӣ доштам, ки Ибрагимович то 40-солагиаш бозӣ мекунад. Инро аз маҳорату ҳолати варзишии ӯ фаҳмидан мумкин буд.

Ибрагимович мисли раққоса серҳаракат аст ва ин ба он нигоҳ накарда, ки ӯ қариб 100 кг вазн дорад. Криштиану Роналду низ ба қатори чунин футболбозон дохил мешавад ва метавонад то 40 солагиаш бозӣ кунад”, – гуфт Маури.

с

Ба рейтинг футболбозони давраи 2011 то 2020 дохил шуданд, ки дар мунтахабҳои Конфедератсияи футболи Африка бозӣ мекунанд.

Беҳтарин футболбози даҳсолаи охир дар Африка ҳамлагари “Ливерпул” ва мунтахаби Миср Муҳаммад Салоҳ эътироф гардид. Ҷойи дуюм насиби ҳамдастаи ӯ Садио Мане шуд.

Ҷойи сеюмро ҳамлагари “Манчестер Сити” ва мунтахаби Алжир Рияд Марез ишғол намуд.

Федератсияи байналмиллалии омор ва таърихи футбол (IFFHS) 3 футболбози беҳтарини Америкаи Ҷанубиро дар даҳсолаи охир номбар кард.

Ба ин рейтинг беҳтарин футболбозони даври 2011 то 2020, ки дар мунтахабҳои кишварҳои Америкаи Ҷанубӣ бозӣ мекунанд, дохил гардиданд.

Беҳтарин футболбози даҳсолаи охир ҳамлагари “Барселона” ва мунтахаби Аргентина Лионел Месси дониста шуд.

Дар ҷойи дуюм ҳамлагари “ПСЖ” ва мунтахаби Бразилия Неймар қарор гирифт. Ҷойи сеюм бошад, ба собиқ ҳимоятгари “Барселона” ва мунтахаби Бразилия, ки айни ҳол дар “Сан-Паулу” бозӣ мекунад, насиб гардид.

Федератсияи байналмиллалии омор ва таърихи футбол (IFFHS) 3 футболбози беҳтарини аврупоиро дар даҳсолаи охир номбар кард.

Ба ин рейтинг беҳтарин футболбозони кишварҳои Аврупо дар давраи 2011 то 2020 дохил шуданд.

Беҳтарин футболбози даҳсолаи охир дар Аврупо ҳамлагари “Ювентус” ва мунтахаби Португалия Криштиану Роналду дониста шуд.

Дар ҷойи дуюм ҳимоятгари “Реал” ва мунтахаби Испания Серхио Рамос ва дар ҷойи сеюм дарвозабони “Бавария” ва мунтахаби Олмон Мануэл Нойер қарор гирифт.

Дар бозии даври 26-уми чемпионати Шотландия ҳимоятгари “Мазервелл” ва мунтахаби Уганда Бевис Мугамби бо задани гол ба дарвозаи “Росс Каунти” ба дастааш ғалаба овард ва рекорди Криштиану Роналдуро зад.

Мугамби дар дақиқаи 72-юм ҳангоми задани гол аз замин 75 сантиметр боло ҷаҳид ва аз баландии 262 сантиметр бо сараш гол зад. Ин дар ҳолест, ки Роналду ҳангоми задани гол ба дарвозаи “Сампдория” дар соли 2019 аз замин 71 сантиметр боло ҷаҳида, аз баландии 256 см тӯбро ба дарвоза равон карда буд.

It's official.

Bevis Mugabi jumped higher than Cristiano Ronaldo for his winning goal 🤯@B_M321@Cristiano pic.twitter.com/veJPhGGaMF

— Motherwell FC (@MotherwellFC) January 29, 2021

Мугамби дар Англия таваллуд шуда, дар академияҳои “Фулхэм” ва “Саутгемптон” ба воя расидааст. Ана дар футболи профессионалӣ бошад, дар дастаҳои “Йовил” ва “Мазервелл” ҳунарнамоӣ кардааст.

Ҳамчунин ӯ дар ҳайати мунтахаби Уганда 10 бозӣ анҷом додааст.