Премйер-лига

“Тоттенхэм” дар ҳоли аз даста хориҷ кардани сармураббӣ Жозе Моуриню вариантҳои гуногуни извакунии ӯро аз назар гузаронида истодааст.

Тибқи маълумоти The Telegraph, дар ҳоли аз даста рафтани мутахассиси португалӣ сармураббии “РБ Лейптсиг” Юлиан Нагелсманн дастаи лондониро роҳбарӣ хоҳад кард. Сармураббии ҷавони олмонӣ нашқа дорад, ки худро дар Премйер-лигаи Англия ҳам бисанҷад.

Қайд карда мешавад, ки 2 ҳафтаи оянда барои Муориню ҳалкунанда хоҳанд буд. Аммо бояд дар назар дошта бошем, ки Нагелсманн танҳо дар анҷоми мавсим дастаи олмониро метавонад тарк кунад, бинобар ин Жозе то моҳи июн аз “Тоттенхэм” намеравад.

Нимҳимоятгари “Эвертон” Хамес Родригес овозаҳои аз Англия рафтанашро рад кард ва гуфт, ки инҷо худро хуб ҳис мекунад.

“Ман аз ҳама чӣ розиам. Ҳама медонанд, ки Премйер-лига барои ман саҳифаи нави ҳаётам аст.

Ман қариб 30 сола ҳастам ва худро хуб ҳисм мекунад. Аз ҳама ҳодисаҳои наве, ки дар ҳаётам рух доданд, розиям. Еорҳо хуб рафта истодаанд”, – гуфт Хамес.

“Манчестер Сити” дар даври 25-уми Премйер-лигаи Англия дар меҳмонӣ “Арсенал”-ро бо ҳисоби 1:0 шикаст доданд.

“Шаҳриҳо” дар меҳмонӣ дар ҳамаи мусобиқаҳо 11 бозӣ пайиҳам ғалаба кардан истодаанд. Онҳо рекорди худро байни дастаҳои Премйер-лигаи Англия, ки соли 2017 монда буданд, заданд.

Бори охир “Манчестер Сити” дар меҳмонӣ 12-уми декабр ғалаба карда натавониста буд. Шогирдони Гвардиола бо “Манчестер Юнайтед” 0:0 мусовӣ карда буданд.

Бозии навбатии “шаҳриҳо” дар меҳмонӣ 24-уми феврал дар дораи даври 1/8 ниҳоии Лигаи чемпионҳо зидди “Боруссия Мёнхенгладбах” мебошад.

Дар бозии даври 25-уми Премйер-лигаи Англия “Ливерпул” дар майдони худ аз “Эвертон” 2:0 шикаст хӯрд.  

Дастаи Клопп дар майдони худ дар 4 бозии хонагӣ пайиҳам шикаст хӯрда истодааст. Қаблан “Ливерпул” – ро “Бернли” (1:0), Брайтон (1:0) ва “Манчестер Сити” (4:1) шикаст дода буданд.

Ин бадтарин нишондод дар таърихи даста аст. Бори охир “Сити” соли 1923 ба чунин ҳолати душвор дучор гардида буданд.

Ҳамчунин ин аввалин ғалабаи “Эвертон” ба “Ливерпул” пас аз соли 1999 ба ҳисоб меравад.  

Сармураббии “Ливерпул” Юрген Клопп чунин мешуморад, ки баъди шикаст аз “Лестер” (1:3) дастааш дигар имкони ғолиби Премйер-лига шудан надорад.

– “Ливерпул” алакай аз ҷоиза умедашро кандааст?

– “Бале. Фикр мекунам мо дигар фаворит нестем, зеро боварӣ надорам, ки метавонем дастаи мавқеи аввалро аз рӯйи холро дарёб мекунем. Мо бояд дар ҳама бозиҳои боқимонда ғалаба кунем, аммо ин кори осон нест” – гуфт Клопп.

Сармураббии “Ливерпул” Юрген Клопп оиди ҳунарнамоии дарвозабон Алиссон Бекер дар даври 23-юми Премйер-лигаи Англия зидди “Манчестер Сити” фикри худро баён кард.

Дар мобайни қисми дуюм, вақте ки ҳисоб 1:1 буд, Алиссон ба хатогии дағал роҳ дод, ки ин ҳодиса бо голи футболбозони “Сити” анҷом ёфт. Ҳамагӣ пас аз 3 дақиқа шогирдони Гвардиола боз аз хатогии дарвозабони бразилӣ истифода карда, гол заданд. Дар дақиқаи 83-юм бошад, ҳисоб 4:1 шуд, зеро Алиссон натавонист зарбаи Фил Фоденро, ки рост ба тарафи ӯ зада шуд, бартараф кунад.

“Шояд пойҳои Алиссон ях карда бошанд? Ин хандаовар метобад, аммо чунин ҳолат шуданаш мумкин аст”, – гуфт Клопп.

Дар даври 23-юми Премйер-лигаи Англия “Ливерпул” бо ҳисоби 1:4 аз “Манчестер Сити” шикаст хӯрд.

Дастаи Юрген Клопп силсилаи бидуни ғалабаи худро дар рақобатҳои хонагиаш ба 5 бозӣ расонд – 3 бохт ва 2 мусовӣ.

Охирон бор “мерсисайдиҳо” 16-уми декабр соли 2020 дар “Энфилд” дар бозӣ зидди “Тоттенхэм” ғалаба карданд буданд.

Хотиррасон мекунем, ки бори охир “Ливерпул” соли 1963 дар 3 бозии хонагиаш пайиҳам ғалаба ба даст оварда натавониста буд.

Ҳамлагари “Реал” Гарет Бэйл, ки ба ҳайси иҷора дар “Тоттенхэм” бозӣ карда истодааст, то ҳол наметавонад дар Англия ҳунарнамоии зебо нишон диҳад.

Тибқи маълумоти нашрияи AS, сармураббии дастаи лондонӣ Жозе Моуриню аз Гарет розӣ нест.

Ба норозигии сармураббӣ кам ба майдон баромадани футболбоз ишора мекунад.

Мисол, дар рақобат бо “Челси” (0:1) Бэйл ягона ҳамлагаре буд, ки ба майдон набаромад. Ба ғайр аз ин, чанд дақиқа пеш аз анҷоми рақобат Гарет дар кунҷи майдон тамрин карданро қатъ кард ва дар курсии эҳтиётӣ нишаст.

Бо эҳтимоли зиёд “Тоттенхэм” Бейлро пурра харидорӣ намекунад ва муҳлати иҷораашро низ дароз карданӣ нест. Футболбоз тобистони соли 2021 ба Мадрид бармегардад. Хотиррасоне мекунем, ки шартномаи ӯ бо дастаи шоҳона тобистони соли 2022 ба анҷом мерасад.

Ҳамлагари 31-сола дар ин мавсим дар Премйер-лига 6 бозӣ карда, 1 гол задааст.

Ҳамлагари “Боруссия”-и Дортмунд Эрлинг Ҳоланд метавонад карйераашро дар Англия идома диҳад. Ба харидории футболбози 20-сола “Манчестер Сити” ҳавасмандӣ дорад.

Ҳоланд нақшаи асосии трансферии сармураббии “шаҳриҳо” Хосеп Гвардиола мебошад. Дар симои Эрлинг даста ивазкунандаи Серхио Агуэроро мебинад.

Қаблан хабар дода шуда буд, ки “Манчестер Сити” байни 2 номзад интихоб карда истодааст – Эрлинг Ҳоланд аз “Боруссия” ва Ромелу Лукаку аз “Интер”. Акнун бошад, Гвардиола интихоби ниҳоии худро кард ва даста омода аст, ки барои харидории Ҳоланд 115 миллион евро сарф кунад.

Барои ба даст овардани Ҳоланд инчунин “Челси” ва “Реал” мубориза мебаранд. Дар ин мавсим Эрлинг дар 21 бозӣ 22 гол задааст ва 5 партофти головар додааст.

Нашрияи ВВС дар сомонаи худ байни мухлисон барои муайян кардани беҳтарин гузарише, ки дар трансфери зимистона рух додааст, овоздиҳӣ гузаронид.

Дар овоздиҳӣ трансферҳои Бруну Фернандеш, Немани Видич, Патрис Эвра (ҳама – «Манчестер Юнайтед»), Вирҷил ван Дейк, Филиппе Коутинйо (ҳама – «Ливерпул»), Пйер-Эмерик Обамеянг («Арсенал») ва боз як қатор футболбозони дигар гузошта шуда буданд.

Ҳамин тавр, аз рӯйи натиҷаҳои овоздиҳӣ трансфери Бруну Фернандеш бо соҳиб шудани 31%-и овозҳо беҳтарин гузариши зимистона дониста шуд. Зимистони соли гузашта “МЮ” нимҳимоятгарро бо нархи 47 миллион фунт аз “Спортинг” харидорӣ карда буд.

Дар ҷойи дуюм трансфери Ван Дейк (26%) ва дар ҷойи сеюм трансфери Луис Суарес ба “Ливерпул” (13%) қарор гирифтанд.