Лигаи чемпионҳо

Дар доираи рақобати якуми даври 1/8 ниҳоии Лигаи чемпионҳо “Реал” дар меҳмонӣ бо “Аталанта” рақобат кард.

Дар дақиқаи 17-ум довари марказӣ ба нимҳимоятгари “Аталанта” Ремо Фройлер барои вайрон кардани қоида корти сурх нишон дод ва аз майдон ронд.

Дар умум, дар таърихи плей-оффи Лигаи чемпионҳо рақибони “Реал” 15 корти сурх гирифтаанд, ки ин рекорди мусобиқа мебошад.

Акнун “дастаи шоҳона” аз рӯйи ин нишондод бо “Барселона” баробар шуд.

Дар доираи рақобати якуми даври 1/8 ниҳоии Лигаи чемпионҳо “Реал” дар меҳмонӣ бо “Аталанта” рақобат кард.

Дар дақиқаи 23-юми нимҳимоятгари мадридиҳо Каземиро зидди ҳамлагари “Аталанта” Дуван Сапата қоидаи бозиро вайрон кард ва корти зард гирифт.

Ҳамин тавр, Каземиро аз сабаби 3 корти зард гирифтанаш дар рақобатҳои Лигаи чемпионҳо дар бозии ҷавобӣ зидди “бергамаскҳо” иштирок карда наметавонад. Ҳамчунин аз сабаби ҷароҳат Родриго, Рамос, Карвахал ва Валверде дар бозӣ ширкат намекунанд. Бозӣ кардани Азар, Милитао ва Одриосола зери суол аст.

Собиқ ҳамлагари дастаҳои “Реал” ва “Аталанта” Федерико Магалянес дар бозии даври 1/8 ниҳоӣ дар рақобати байни 2 дастаҳои пешинаи худ “бергамаскиҳо”-ро фаворит мешуморад.

“Бо дарназардошти ҳолати варзишии дастаҳо мо рақобати баробарро хоҳем дид. “Аталанта” каме бартарӣ дорад. Аммо “Реал” аз ҳисоби таҷриба ва таърихи худ лар Лигаи чемпионҳо ҳамеша яке аз фаворитҳо ба ҳисоб меравад.

Ман бештар “Аталанта”-ро назорат карда истодаам. Онҷо якчанд дӯстони ман кор мекунанд. Даста дар солҳои охир пешравии калон кард, зеро ҳам дар майдон ва ҳам берун аз он дастаро хело хуб роҳбарӣ мекунанд. Вақте хуб меҳнат мекунӣ, натиҷаҳо ҳам хуб мешаванд, ҳамааш аз рӯйи адолат аст.

Ана барои чӣ ин рақобат барои “Реал” мушкил хоҳад буд, ҳарчанд, ки ҳангоми қуръакашӣ “Аталанта” барои мадридиҳо рақиб хело осон ба назар менамуд.

Дастаи Зидан айни ҳол бозии беҳтарини худро нишон надода истодааст, аммо агар онҳо хоҳанд, ки ба даври навбатӣ роҳхат гиранд, бояд беҳтар ҳунарнамоӣ кунанд”, – гуфт Магалянес.

Дар бозии даври 1/8 ниҳоии Лигаи чемпионҳо “Челси” дар меҳмонӣ “Атлетико”-ро шикаст дод – 1:0.

Дарвозабони ластаи лондонӣ Эдуардо Менди дар ин мавсими Лигаи чемпионҳо дар 5 бозӣ гол сар надодааст. Ин беҳтарин натиҷаи мусобиқа мебошад.

Ягона бозие, ки дар он Менди ба дарвозаи худ гол сар дода буд, ин рақобат бо “Ренн” буд, ки 24-уми ноябр баргузор гардид ва дар он “Челси” бо ҳисоби 2:1 ғалаба кард. Дар рақобати охирини марҳилаи гурӯҳӣ бо “Краснодар”, ки мусовӣ – 1:1 анҷом ёфт, Менди иштирок накарда буд ва дарвозаи дастаи лондониро Кепа ҳимоя мекард.

Дар бозии даври 1/8 ниҳоии Лигаи чемпионҳо “Атлетико” дар майдони худ аз “Челси” шикаст хӯрд – 0:1.

Дастаи Диего Симеоне дар 90 дақиқаи бозӣ ба дарвозаи “Челси” ягон зарбаи рост назадааст. Аз 6 кӯшиши футболбозони мадридӣ 3 зарба хато рафтааст, 3 зарбаи дигарро бошад, ҳимоятгарони “Челси” пеши роҳашро гирифтаанд.

Дастаи лондонӣ бошад, дар ин бозӣ 11 зарба задааст – 5 зарба ба дарвоза, 3 зарба хато рафтааст ва 3 зарбаи дигарро бошад, ҳимоятгарони “Атлетико” баргардонидаанд.

Ҳамчунин шогирдони Томас Тухел аз рӯйи фоизи тӯбронӣ ҳам аз рақибони худ беҳтар буданд – 59% ба 41%. Шумораи партофтҳо ҳам ба фоидаи “Челси” аст – 697 ба 399.

Ҳабиб Нурмагомедов пеш рақобати даври 1/8 ниҳоии Лигаи чемпионҳо – “Барселона” – “ПСЖ” расми худро, ки дар яке аз кӯчаҳои пойтахти Каталония қарор дорад, дар инстаграми худ гузошт. Ҷанговар зери он чунин навишт:

“Дар роҳ ба сӯйи “Камп Ноу”. Ба пеш, “ПСЖ”. #HalaMadrid”. Бо охирон ҷумлаи худ Ҳабиб тасдиқ кард, ки ӯ мухлиси “Реал” аст, бинобар ин дар он рақобат дастаи парижиро тарафдорӣ хоҳад кард.

“Барселона” ба ин пости Ҳабиб чуни ҷавоб дод:

“Ту боварӣ дорӣ? Ҳеҷ вақт барои тағйир ёфтан дер нашудааст”.

Ба ин шарҳи дастаи каталонӣ Нурмагомедов ҷавоби хело зебо дод:

«Аз соли 1998 ман мухлиси «Реал» ҳастам, аммо дастаи бузург будани «Барселона»-ро ҳеҷ кас рад карда наметавонад. Дар ин давраи мушкил ба шумо бурдбориҳо хоҳонам».

Хотиррасон мекунем, ки бозӣ бо ҳисоби 1:4 ба фоидаи “ПСЖ” ба анҷом расид. Рақобати ҷавобӣ 11-уми март, соати 01:00 ба вақти Тоҷикистон.

Сармураббии “Реал” Зинедин Зидан оиди ҳунарнамоии ҳамлагари “ПСЖ” Киллиан Мбаппе, ки дар бозии даври 1/8 ниҳоии Лигаи чемпионҳо зидди “Барселона” (4:1) хет-трик анҷом дод, фикри худро баён кард.

“Ҳамаи бозиҳои ӯро тамошо мекунам ва ба ман писанд аст, зеро ӯ ҳамеша хуб ҳунарнамоӣ мекунад. Аммо хет-трики ӯро ба дарвозаи каталониҳо ман ҳамчу мухлис баҳо хоҳам дод. Мбаппе ва Ҳоланд – ивазкунандаҳои Месси ва Роналду? Дар оянда хоҳем дид. Онҳо хело хуб бозӣ мекунанд, мисли Месси, Криштиану, Неймар, аммо ҷавонанд.

Бале, ҳама оиди ҳунарнамоии Мбаппе зидди “Барселона” гап мезананд ва воҳима мекунанд, аммо коре, ки Килиан анҷом дод, маро ҳайрон накард. Ман ӯро дер боз мешиносам ва медонам, ки ба чӣ кор қодир аст”, – гуфт Зидан.

Дар бозии аввали даври 1/8 ниҳоии Лигаи чемпионҳо “ПСЖ” дастаи каталониро бо ҳисоби 4:1 шикаст дод. Сармураббии дастаи парижӣ Маурисио Почеттино пас аз бозӣ оиди ояндаи ҳамлагар Килиан Мбаппе нақл кард ва гуфт, ки оё ӯ бо ҳамлагари “Барселона” Лионел Месси оиди гузаришаш ба “ПСЖ” гап задааст ё не.

“Барои он, ки Мбаппе худро хушбахт ҳис кунад, “ПСЖ” ба ҳама кор омода аст. Фикр мекунам то анҷоми мавсим ҳамааш аниқ мешавад. Оиди гуфтугӯ бо Месси бошад, мо танҳо салом ва хайрухуш кардем. МО оиди гузариши ӯ ба “ПСЖ” ягон калима гап назадем”, – гуфт мутахассиси 48-сола.

Хотиррасон мекунем, ки бозии ҷавобӣ санаи 11-уми март дар майдони “ПСЖ” баргузор мегардад.

Ҳамаи номзадҳо барои дарёфти ҷоизаи беҳтарин футболбози ҳафтаи Лагаи чемпионҳо маълум шуданд. Дар ин бора дафтари матбуоти мусобиқа дар сомонаи расмии УЕФА хабар медиҳад.

Аз рӯйи натиҷаи 4 бозии аввали даври 1/8 ниҳоии ЛЧ дар рӯйхат номи 4 футболбоз ворид карда шуд – ҳамлагари “Ливерпул” Муҳаммад Салоҳ, ки ба дарвозаи “Лейптсиг” гол зад (2:0), муаллифи хет-трик дар бозӣ бо “Барселона”, ҳамалагари “ПСЖ” Килиан Мбаппе ва инчунин ҳамлагари “Боруссия”, ки дар бозӣ бо “Севиля” (3:2) дубл анҷом дод. Нимҳимоятгари “Порту” Сержиу Оливейра, ки дар рақобат бо “Ювентус” беҳтарин футболбози вохӯрӣ дониста шуд, нафари охирон дар ин рӯйхат мебошад.

Акнун ғолибро аз рӯйи овоздиҳӣ дар сомонаи расмии мусобиқа муайян мекунанд.

Журналист Марио Скончерти пас аз бохти “Ювентус” аз “Порту” (1:2) Криштиану Роналдуро сахт танқид кард.

“Роналду қариб шарманда шуда истодааст. Ӯ гӯё дар майдон вуҷуд надорад, ба ӯ кӯмак лозим аст. Ҳама чиро иваз карда мешавад, аммо дар имрӯза бозӣ “Ювентус” бадтарин ҳунарамноии худро дар ин мавсим нишон дод”.

“Касе бояд чораи Роналдуро андешад. Мушкилӣ аён аст. Чаро ӯ ҳоло ҳам дар “Ювентус” аст, ман намефаҳмам. Чӣ ӯро дар даста нигоҳ дошта истодааст? Бе ӯ ҳам дастаи туринӣ пурқувват буд. Роналду хело якрав будааст”, – гуфт Скончерти.