Чемпиони Тоҷикистон – дастаи “Истиқлол”, ки ин мавсим дар марҳилаи гурӯҳии Лигаи чемпионҳои Осиё бозӣ мекунад, бо Нуриддин Давронов шартнома баст, хабар медиҳад саҳифаи расмии даста дар “Инстаграм”.
“Истиқлол”-и Душанбе ва дастаи “Борнео”-и Индонезия оиди гузариши футболбоз ба дастаи пойтахт ба розигӣ расиданд. Собиқ капитани “Истиқлол” то оғози равзанаи трансферии тобистона ҳамчу иҷора дар дастаи чемпиони Тоҷикистон бозӣ хоҳад кард. Мисли пештара, Нуриддин Давронов зери рақами 8 ҳунарнамоӣ хоҳад кард.
